Ottar Kåsa

Musikar og instrumentmakar Ottar held til i Bø, og har vore profesjonell hardingfelemakar siden 2008. På desse åra har han bygd kring 45 hardingfeler – og eksperimentert og bygd heilt nye typar hardinginstrument.

Hardingbratsj og hardingcello (bratsj og cello med understrenger og hardingfele-estetikk) er to av Kåsa sine instrumentinnovasjonar. Kåsa utfører og hardingfeledekor på andre instrument, som gitarar og liknande.

Ottar Kåsa har vunne Feleutstillinga på Landskappleiken fire gonger, og vart tildelt Gullmedalje for ei av felene – den mest høgthengjande prisen ei hardingfele kan få. Kåsa er og spelemann med eigen soloverksemd og tek del i gruppa Resjemheia. Han har vunne landskappleiken i klassa hardingfele fire ganger, og er tildelt både Folkelarmprisen og Spelemannsprisen for utgivingane sine.