Nora Taksdal

Nora Taksdal er utdanna ved Østlandets Musikkonservatorium og Norges Musikkhøgskole, og har solistdiplom frå Folkwang Hochschule i Tyskland. Taksdal var med på å grunnleggje Vertavo-kvartetten kor ho spelte i ti år.

Nora Taksdal har vore fast tilsett som solobratsjist både i Bergen- og Oslo-Filharmonien, og har sidan 2006 vore gruppeleiar i Kringkastingsorkestret. Ho har og bakgrunn fra Det Norske Kammerorkester og fleire samtidsmusikkensembler. Taksdal har variert bakgrunn frå inn- og utland som solist, kammermusikar, improvisator (i samarbeid med musikarar som Ketil Bjørnstad, Bugge Wesseltoft og Sinikka Langeland), musikkformidlar og pedagog. Taksdal har laga ei rekkje radioprogram for NRK P2.